首先必須負責任地說，任何非原廠／非授權操作，的確“有機會”影響保養，亦視乎該操作是否導致實際損壞或風險。
🚗💭 好多 Tesla 車主都問：
「我改咗件配件／插咗 OBD會唔會破保？」
Tesla 條款明確指出：任何未經授權嘅改裝，如果導致部件損壞，Tesla 有權拒保該部分。但只限於直接受影響嘅部件，唔會因為你換咗鋁合金腳踏就唔保你電池。
用OBD 讀 data 會破保？
✅ 答案：幾乎唔會，只要你純粹讀數據
OBD 裝置如果只係收集數據，唔會控制或改寫系統，幾乎唔會破保。(惟不能100%保證)。 而Tesla 條款無明文禁止插 OBD，亦無條文指明讀數據屬違規。
🚨實際建議:
1. 入廠前請務必還原／拔除 OBD 裝置，避免職員發現明顯改裝痕跡，有可能即時註記為非原廠配置，影響相關保養審核結果。
2. 技術員有最終判定權，即使入廠前還原仍有破保風險，買家需自行衡量。
3. 避免改動電池、高壓系統、驅動單元等核心總成部位。一旦涉及動力系統改裝，即使非改裝造成損壞，保養審核亦會嚴格得多。
4. 切勿使用來源不明、雜牌 OBD 或改裝件。品質差的配件容易引致車輛系統錯誤、短路、軟件衝突，不單止破保，仲可能導致安全風險。
